Araz Net

Presentación de la páxina web del Centru de Terminoloxía Asturiana (TermAst)

TERMAST ye’l centru on-line encargáu de la coordinación xeneral de les xeres terminolóxiques n’asturianu y surdió en xineru de 2009 al traviés d’una inciciativa de l’Academia de la Llingua, el Colexu d’Inxenieros n’Informática del Principáu y el coleutivu Softastur.
 
L’oxetivu de TERMAST ye proponer nuevos elementos terminolóxicos en llingua asturiana pa facer d’esti idioma una ferramienta afayadiza y útil nuna sociedá cada vegada más tecnificada ya interconectada.
 
El trabayu del centru surde al traviés d’iniciatives individuales o grupales concretes que dean a la conocencia pública la so propuesta de solución a los problemes terminolóxicos del asturianu nos estremaos contestos comunicativos, (científicu, nueves teunoloxíes, economia, socioloxía, humanística...).
 
Estes propuestes tarán al algame de los usuarios pa que seyan éstos los que vayan dando calter de normalidá, de mou que llueu d’ello l’Academia puea dir inxiriéndolos dientro de los sos calces normativos.
 
L'aplicación on-line d'esti centru ta desarrollada por ARAZ.
 
 
 

© Copyright 2011 Araz Net, S. L. Reservados todos los derechos
San Francisco de Asís 16, piso 2º D | 33205 Gijón | t. 985 093 860 | f. 985 194 733
Desarrollada en XHTML | DRUPAL