ACEVEDO
Y HUELVES, Bernardo
(1849–1920)
Naz Acevedo y Huelves en Bual en 1849. Depués de
cursar estudios de Derecho, nomáronlu abogáu del Estáu, que fuera a ser el so llabor
profesional a lo llargo de cuarenta años. Finaron los sos díes n’Uviéu un 7 de
setiembre de 1920.
Pero, arriendes del trabayu de toga, alcontró
espaciu tamién Acevedo pa entamar abondes xeres culturales: escribió poesíes en
castelleno y n’asturiano, dirixó la edición d’obres ayenes (como Poesías asturianas de Teodoro Cuesta),
investigó sobre’l so conceyu, sobre los vaqueiros, trabayó sobre’l folclor...
Fue miembru de les Academies de la “Historia” y de la “Lengua” y collaboró a
modu na mayoría de los periódicos del so tiempu: El Eco de Asturias, El Carbayón, El Nalón, etc.
La so
obra poética, qu’elli nun llegó a recoyer en llibru, tenía, ensin embargu,
munchu predicamentu ente los sos contemporanios, polo qu’algamó dalgunos
premios, comu’l de los Xuegos Florales entamaos pola Sociedá Económica d’Amigos
del País en 1883 (que tenía nel xuráu a “Clarín” y Acebal) y el Premiu de los
vecinos de Puertu Veiga nos Xuegos Florales de Xixón del 6 d’agostu de 1891, de
la qu'inauguraben la estatua de Xovellanos.
Enrique García–Rendueles, qu’inxertó en Los nuevos Bablistas el poema d’Acevedo “Los últimos momentos de
Jovellanos”, califícalu de “poeta tierno e inspirado y de forma limpia y
correcta (...) hombre modesto y de costumbres sencillas, vivió apartado del
ruido mundanal; así que como bablista podemos decir de él (...) que su crédito
es de tradición oral porque muy pocos habrá que puedan citar más de cuatro o
seis composiciones leídas en diferentes periódicos”.
Por
fin, en 1995, L’Academia de la Llingua Asturiana asoleyó una edición facsímil
onde atropaba veintiún poesíes publicaes por Acevedo ente 1888 y 1927.
BIBLIOGRAFÍA
Creación
Acevedo y Huelves, Bernardo
Dos poesías premiadas en el certamen de 1881 y
en los juegos florales de 1883 celebrados en Oviedo / Bernardo Acevedo y
Huelves. — Madrid : Establecimiento
Tipográfico de M. Minuesa : 1883. — 35 p. ; 18 cm.
Acevedo y Huelves, Bernardo
Últimos momentos de Jove-Llanos : poesía en
dialecto asturiano / Bernardo Acevedo y Huelves. — Gijón : Imp. y Lit. de Torre, 1891. — 6 p. ; 21 cm. — Premiu de
los vecinos de Puertu Veiga nos Xuegos
Florales de Xixón del 6 d’agostu de 1891, al inaugurase la estatua de
Xovellanos.
Acevedo y Huelves, Bernardo
Poesía / Bernardo Acevedo y Huelves. —Uviéu :
Academia de la Llingua Asturiana, 1995. — 68 p. ; 22 cm. — (Llibrería
facsimilar ; 26). — Reprod. facs. de 21 poesíes publicaes ente 1888 y 1927.
ISBN 84-88168-042-7
Ensayu
Acevedo y Huelves, Bernardo
Los vaqueiros de alzada en Asturias / Bernardo Acevedo
y Huelves. – Gijón : Noega, , 1985. – XVI, 283 p. ; 20 cm. —Reprod. facs. de la
ed. de: Oviedo: Imp. del Hospicio Provincial, 1893.
ISBN 84-86015-62-6
Acevedo y Huelves, Bernardo
Boal y su concejo / Bernardo Acevedo. — Gijón :
Mases, 1984. — 115 p. ; 20 cm. —Reprod. facs. de la ed. de: Oviedo : A. Brid,
1898.
ISBN 84-86328-03-091
Canella Secades, Fermín
Rudimentos de derecho : catecismo español de
instrucción cívica para la primera enseñanza pública / Fermín Canella Secades,
Bernardo Acevedo y Huelves. — Oviedo : Tip. de Flórez, Gusano y Ca., 1902. — 43
p. ; 16 cm. — (Biblioteca jurídico-escolar).
Canella Secades, Fermín
Nociones de derecho usual español para su
estudio en institutos, colegios, academias, etc. : rudimentos de derecho /
Fermín Canella Secades, Bernardo Acevedo y Huelves. — 2ª ed. corr. — Oviedo :
Tip. de Flórez, Gusano y Ca., Oviedo, 1903. — 323 p. ; 22 cm.
Llano Roza de Ampudia, Aurelio de La iglesia de
San Miguel de Lillo / Aurelio de Llano Roza de Ampudia, Bernardo Acevedo y Huelves.
— Oviedo : Imprenta Gutenberg, 1917. —95 p. : il. ; 24 cm.
Acevedo y Huelves, Bernardo
Vocabulario del bable de occidente / Bernardo
Acevedo y Huelves, Marcelino Fernández y Fernández. — Madrid : S. Aguirre
Impresor, 1932. — XII, 242 p., VI f. de lám. ; 24 cm. — (Archivo de tradiciones
populares ; 3)
Edición lliteraria
España
Legislación del impuesto de derechos reales y
transmisión de bienes : reglamento y tarifa de 1 de septiembre de 1896 /
Bernardo Acevedo y Huelves [ed. lit]. — Oviedo : Imprenta de Adolfo Brid, 1896.
— VI, 182 p. ; 22 cm.
Bibliografía
“Acevedo y Huelves, Bernardo”, en: Gran Enciclopedia Asturiana, T. I,
Xixón, Silverio Cañada, 1981, p. 23.
Carmen Díaz Castañón, Lengua y literatura, Xixón, Júcar, 1981, pp. 89, 95 y 274.
Antón García, “Bernardo Acevedo y Huelves”. En: La lliteratura asturiana nel tiempu,
Uviéu, Conseyería d’Educación, 1994, p. 85.
Enrique García Rendueles, “D. Bernardo Acevedo y
Huelves”. En: Los nuevos bablistas,
Xixón, Imp. de La Reconquista, 1925, pp. 159–168.
ANTOLOXÍA
CEGUERA
Tenía madre, casa
tierruques, reciella...
entrós en mio cuerpu la fame del oro
y vine a l’América.
Nin topé un amigo,
nin topé trabayu;
la fame del oro fo, entós, de pataques...
¡ai! ¡quién fose páxaru!
Pidiendo llimosna
quedéme en los güesos
y en mi s’axuntaron fame, señaldaes
y gómitu negro.
Atapez del tou
dientro de mio alma
y ándenme en la frente munches paxarines
esnala qu’esnala.
¡Ai! madre querida,
¡ai! querida madre,
non de pan nin d’oro, de date un abrazu
ye, agora, la fame...
Porque de la muerte
afuégame’l frío,
y bien lo conozco, ye’l frío qu’al dexate
viénose comigo!!
A buscar fertuna
vine pa l’América
y... atrás la dexaba con madre, tierruques
y casa y reciella!!
(En: Lliteratura asturiana nel tiempu)