ÁLVAREZ PEDROSA FANJUL, Cipriano

(1863-1927)

 

 

Nació Cipriano Álvarez Pedrosa n’Uviéu en 1863. Siguió la carrera de Derecho na universidá asturiana y cursos especializaos na de Lovaina (Bélxica). Ganó les oposiciones de notaría y sacó una plaza na ciudá onde naciera. Ellí vivió y exerció la so profesión hasta morrer, en xunu de 1927.

    La obra de Cipriano Álvarez-Pedrosa, autor escaecíu hasta hai mui poco, recuperóla l’Academia de la Llingua a partir de les trascripciones que fixera Antón García Oliveros d’unos orixinales que tenía en so casa Eulalia, una de les fíes del autor. Publicada baxo’l títulu de Obra ensin asoleyar, inclui poesía, ensayu, y cuadros teatrales, con munchos trabayos dedicaos a Ribesella, a la que taba mui arrimáu Álvarez-Pedrosa por cuestiones familiares.

 

 

 

 

BIBLIOGRAFÍA

 

 

Alvarez Pedrosa, Cipriano

Obra ensin asoleyar : trescripción de testos manuscritos (principios del S. XX) / Cipriano Alvarez Pedrosa. — Uviéu : Academia de la Llingua Asturiana, 1999. — 111 p. ; 21 cm. — (Llibrería facsimilar ; 45)

ISBN 84-8168-165-2