ARAMBURU
Y ZULOAGA, Félix
(1848–1913)
Naz Félix Pío de Aramburu y Zuloaga’l cincu de
mayu de 1848 n’Uviéu . Estudió Artes, Filosofía y Lletres, Derecho Civil y Canónicu.
Amiesta Aramburu tola vida la cultura universal y l’asturianismu: caderalgu y
rector de la Universidá d’Uviéu, secretariu de la Sociedá Económica d’Amigos
del País d’Asturies, maxistráu del Tribunal Supremu, autor de La nueva ciencia penal, collaborador de
la monumental Asturias de Bellmunt,
autor él mesmu d’una Monografía de
Asturias...
Funda
y dirixe amás Aramburu la Revista de
Asturias (1877–1883). Nesta mítica publicación diba asoleyar la so curtia
obra poética n’asturiano, siempre col alcuñu de “Sico Xuan de Sucu”. Nel teatru
Campoamor estrenóse’l drama en versu Si
la ficiste en Pajares, pagarásla en Campomanes, basáu na muerte de Sancho’l
Mayor.
Tienen
los poemes d’Aramburu munchos y bien traíos elementos "narrativos" y
una bayura de rexistros (siempre xirando alrodiu d’una delicada ironía) que lu
faen ún de los más modernos poetes na nuestra llingua.
BIBLIOGRAFÍA
Creación
Poesías selectas en dialecto asturiano / [ed. y
sel.] José Caveda y Fermín Canella Secades. — Uviéu : Academia de la Llingua
Asturiana, 1987. — 317 p. ; 19 cm. — (Llibreria facsimilar ; 1). — Reprod.
facs. de la ed. de: Oviedo : Imp. de Vicente Brid, 1887.
ISBN 84-600-4812-8
Ensayu
Aramburu y Zuloaga, Félix de
La nueva ciencia penal : (exposición y crítica)
/ Félix de Aramburu y Zuloaga. — Madrid : Librería
Fernando Fe, 1887. — XI, 377 p. ; 22 cm.
Aramburu y Zuloaga, Félix de
La actual orientación del derecho penal y de la
lucha contra el delito : discurso leído en el acto de su recepción por... D.
Félix de Aramburu y Zuloaga y contestación del ... Sr. D. Eduardo Sanz y
Escartín, el día 5 de junio de 1910. — Madrid : Establecimiento Tipográfico de
Fortanet, 1910. — 120 p. ; 27 cm
Aramburu y Zuloaga, Félix de
Monografía de Asturias / Félix de Aramburu y Zuloaga
; prólogo de Manuel F. Avello. — Gijón : Silverio
Cañada, 1989. — 330 p. ; 20 cm. — (Biblioteca
histórica asturiana ; 19). — Bibliografía.
ISBN 84-7286-290-9
Bibliografía
“Aramburu y Zuloaga, Félix Pío de”, en: Gran Enciclopedia Asturiana, T. I,
Xixón, Silverio Cañada, 1981, pp. 252–254.
Fermín Canella Secades, “D. Félix de Aramburu y
Zuloaga” en: José Caveda y Fermín
Canella
Secades (eds.), Poesías selectas en dialecto asturiano, Uviéu : Imp. de Vicente
Brid,
1887 (ed. facs de 1987 de l’Academia de la
Llingua), pp. 303–306.
Antón García, “Félix Pío de Aramburu y Zuloaga”,
en: Lliteratura asturiana nel tiempu,
Uviéu,
Conseyería d’Educación, Cultura, Deportes y
Xuventú, 1994, p. 98
Enrique García-Rendueles, “D. Félix Aramburu y
Zuloaga”, en: Los nuevos bablistas,
Xixón, Imp. de La Reconquista, 1925, pp. 111-119.
Miguel Ramos Corrada, Sociedad y literatura bable, Xixón, Silverio Cañada, 1982, pp. 81.
ANTOLOXÍA
SUEÑU QUE YE VIDA
(Al Sr. Gumersindo Laverde
Ruiz)
Pal que non tien
sosiegu
Y aballa nes llabores
Desque Dios unvía el
día
Fasta que vien la
noche,
Paez el xergón, de
fueya,
De plumes de palombes,
Pero entovía más
blandu
Pa mozos ye y pa moces
Qu’al chase l’alma
alcuentren
Enllena de perdones
De romeríes sin
cuetes,
Sin gaites nin
tambores,
¿Qué reina habrá
endayuri
Que’l catre d’ella
atope,
Anque lu encurumpine
Con llana o con
pilote,
Más blandu, más mullíu
Qu’aquel xergón en
onde
Espurri’l cuerpu Pina
Dempués de ver dos
hores
Al mozu galantiante
Con el que ta en sos
glories?
Sallando’l maizucu
Qu’ha dar panoyes
roxes,
Quiciás porque al so
pelu
Semeyen les panoyes,
Enteru coló’l día,
Y, ansina que foi
noche
Pintó Llope en so casa
Y al pie del llar
sentóse.
El gozu de la neña
Al velu non se
esconde,
Que lluz sal pelos
gueyos
Y pela cara en roses.
Los vieyos, nutru
escaño,
Esclúquenlos y
emboben,
Falen algo,
empapiellen,
Callen, pigazen,
ronquen...
Entrambos, Llope y
Pina,
A cuentu traen cien
coples,
Marmullen polo baxo,
Riyendo faen que
roñen,
Embúrriense, y con
plizcos
Aforren les razones.
El mozu col so palu
Fai mil ribilicoques
Ena ceniza; y ella
Pa non tener ucioses
Les manes, un tarucu
Esbilla, menia’l pote,
Inflando los papinos
Asopla, los tizones
Compón, y si ye’l
casu,
Faltando–y otres
coses,
Col mandilucu enrieda
Que va encoyendo en
llorcies.
Dacuando blinca’l gatu
Llambión, enriba
pónse–y;
Y si ella lu afalaga,
También el mozu
entóncenes
Fai esbarriar pel
llombu
Sos manes pecaores.
El gatu entiesa’l
rabu,
Miaga les gracies,
dóblase,
Fasta que diz la neña
(Al gatu non, al home
Que ta mirando en
tientes...)
—“¡Cuidao non
t’enquivoques?”
El tiempu cuerre; el
mozu
Andando a trompicones,
Pos pa marchar les
pates
Alcuentra perezoses,
Camín va de la puerte
Y aspera qu’allí
emboque
col so candil la neña
Que ye sol de los
soles.
Acasu ella lu ameche,
Acasu saín–y sobre,
Acasu coles manes
Tamién ella lu
arrodie;
Pero’l candil acasu
Al viento–y diz que
asople,
O él solu acasu
apágase
O apágalu el
demontres.
Lo cierto ye qu’a
escures,
Sin lluz y hasta ensin
mosques,
—“Adiós”, diz Llope a
Pina,
Y “adiós”, diz Pina a
Llope
. . . . . . . . . . .
. . . . . . . . . . . . .
La neña va pal cuartu
Y al ventanucu
asómase...
¡Qu’azuliquín el
cielu,
Qué guapu’l valle, el
monte!
La lluna enriba atendi,
Abaxo’l ruidu óyese
Que sobre los
guixarros
De Llope faen les
broques...
La neña zarramica
Anque en mirar
s’enfote,
Y, ensin querer, de
sueñu
La cabecina
dóblase–y...
Yá entorna la ventana,
Yá queda Pina a soles,
Yá con entrambes manes
Que lleva’l cocorote,
(Mientres el senu
alzáu
Más fachendosu ponse),
Desata los corales
Qu’al piscuecín
s’enrosquen;
Yá... pero abasta,
abasta,
Pos tantes relaciones
Son pa naguar la
cuenta
Y al más pintáu
amorien.
Dirévos qu’en un verbo
La neña desvistióse
Y, mientres marmullaba
Dalgunos paternostres,
Con ixuxús el mozu
Arroxidando lloñe,
La devoción acasu
Quitába–y a la probe.
Dirévos qu’al echase
La neña sonriyóse;
Qu’en menos d’un
menutu
El sueñu entró–y de
golpe,
Y aquella sonrisina,
Sin esnalar como otres,
Quedóse enriba’l ñeru
De perles y amapoles.
(En: Los nuevos bablistas)