ASTUR FERNÁNDEZ, Néstor

(?-1982)

Nació n’Uviéu. Cursó los sos primeros estudios na capital y en Xixón. Doctoróse en Derechu y Ciencies Sociales na Universidá de Madrid. Al acabu la Guerra Civil esíliase n’Arxentina. En Buenos Aires collabora colos principales periódicos y desarrolla un intensu llabor asturianista nel Centru Asturianu porteñu. Escribe diverses obres en castellano sobre temes rexonales, llibros de poesía, relatu y ensayu, dalgunes d’elles col seudónimu de "Fausto Niebla" y "Eneas". Escribe tamién unos cuantos poemes na nuestra llingua, la mayor parte publicaos en 1982 pol Seminariu de Llingua Asturiana col títulu La tonada de la tierra. Trátase d’un tipu de poesía de corte señaldosu, na que l’autor da rienda suelta a los sos esmolecimientos pola perda de la tierra y la distancia del tiempu que lu separa d’ella.

Miembru del I.D.E.A. y de la Sociedá Arxentina d’Escritores, falleció n’Uviéu en 1982.

BIBLIOGRAFÍA

Creación

Astur Fernández, Néstor

Del silencio y al olvido : poemas / Néstor Astur. Buenos Aires : Aniceto López, 1949. — 94 . ; 20 cm.

Astur Fernández, Néstor

Ronda de cantares / Néstor Astur. Buenos Aires : Aniceto López, 1950. — 125 . ; 19 cm.

Astur Fernández, Néstor

La tonada de la tierra / Néstor Astur Fernández, "Fausto Niebla". — Uviéu : Seminariu de Llingua Asturiana, 1982. — 19 p. ; 21 cm. — (Seminariu de Llingua Asturiana ; 9).

ISBN 84-300-9844-5

Edición lliteraria

Bóveda, Xavier

Antología poética de Xavier Bóveda / Ed. lit., Astur Fernández. —Buenos Aires, 1970. — 93 p. ; 20 cm.