BURGOS
PASCUAL, Julián
(1926)
Nacíu
en Mieres del Camín el primeru d’abril de 1926. Dedicáu a profesiones lliberales,
ye Julián Burgos amás d’autor teatral, poeta y estudiosu del asturiano, un
activu comunicador: collaborador na prensa, conferenciante, pregoneru de
fiestes,...
La llibrería Cultura de Mieres publicó–y
ente 1982 y 1985 tres entregues d'Humor
en bable. Monólogos y en 1992, con motivu del V centenariu del
Descubrimientu, apaeció Afayu el nuevu
mundiu (probablemente, el monólogu más llargu enxamás escritu n’asturiano).
De la granible escuela d’autores mierenses (Cuesta, Luis Aurelio, Florina Alías,
“Anxelu”,...), siempre maestros nel arte humorístico, Burgos ye ún de los más
ocurrentes y de versu más sueltu.
Pa facenos una aprosimación de la capacidá
creativa d’esti autor val con dicir que, yá en 1992, tenía inéditos catorce
llibros en castellano y trece n’asturiano. Ente estos últimos habíalos asgaya,
como ye norma en Burgos, de calter festivu.
BIBLIOGRAFÍA
Creación
Burgos Pascual, Julián
Monólogos : 1 /Julián Burgos Pascual ;
ilustrador, Inocencio Urbina. — Mieres : Librería Cultura, 1983. — 144 p., 1 f.
: il.
ISBN 84–30092–81–1
Burgos Pascual, Julián
Monólogos : 2 /Julián Burgos Pascual ;
ilustrador, Inocencio Urbina. — Mieres : Librería Cultura, 1984. — 142 p. , 3
f. : il.
ISBN 84–39817–79–7
Burgos Pascual, Julián
Monólogos : 3 /Julián Burgos Pascual ;
ilustrador, Inocencio Urbina. — Mieres : Librería Cultura, 1985. —168 p., 3 f.
: il. ; 18 cm.
ISBN 84–39840–89–6
Burgos Pascual, Julián
Afayu el nueu mundiu : (Cristóbano Colón)
/Julián Burgos Pascual ; debuxos, Alfonso Iglesias. — Mieres : Casa de
Municipal Cultura Teodoro Cuesta, 1992. — 199 p. : il. ; 22 cm. — (Tema de
Mieres ; 3)
D.L.
AS–2229–92
Bibliografía
Carmen Díaz Castañón, “Burgos, Julián”.
En: Lengua y literatura, Gijón :
Júcar, 1981, pp. 275–276.
Modesto González Cobas, “Prólogo” a:
Julián Burgos Pascual, Afayu el Nuevu
Mundu. Mieres, Casa Municipal de Cultura Teodoro Cuesta, 1992, pp. 5–17.
ANTOLOXÍA
AFAYU EL NUEVU MUNDIU
(Cristóbono Colón)
ANICIU.
¿Ú tevo el escaniellu?
Sí que nun ye refugaya.
Manda mecha la custión
falar acerque Colón,
pos tien enxemes asgaya.
Desige cuayu la estaya
y chai demaxinación.
Pescudar d’esti valíu
los Reis Castía y Aragón
déxelu a un esmorecíu,
lo que dizse desguarníu,
posque acarria esmolición
y aquesti ye el casu míu
por meteme a remellón,
que ya toi más que pruyíu.
Enque soi daqué albardón
y dello toi alvirtíu,
deprendí ansí la llición
que vo dicer d’asistíu:
Naz en berciu escurecíu
pos denyure lu mentare
Colón, diose al esmucíu,
mesmu que non pedricare
los sos años, que respíu
tevo el home nesti asuntu,
llantándomos un güen llíu
al dexámoslu al barruntu.
Al ser el casu ruxíu
cáusenes de clisaúra
fo el oyer pa’l talu efeutu
a ín, que saltare atrivíu
ensin ná delicaúra
—foscu y pelgar l’aspeutu,
el prefeñu allabascáu,
magüetón y de pazguatu,
pámique un
desarrancáu,
pel persumu, del llabiegu—,
pos ensin migayu acatu,
dando con siñes tochura,
de tarabicu y montiegu
dixo ansí del venturiegu,
toa arguta la fegura:
“—¡Bah. . .! Pa min taba abayáu
d’alluegu y con poca xera
el casu y ná enguedeyáu:
con face–y abrir la boca
y el so dentame escluca–y
pos, asuntu
solventiáu,
non hay más güeltes que da–y”.
Yo toi pa min que avezau
de ferraúra a apiancar
taba el murmiandu y torgáu
aquél y afechu a tratar
pueque na más col ganáu
pa ponese ansí a roncar
dándoseles de tralláu
y pa non arreparar.
De ser tan permal tratáu
el inquit tala custión
yelo na más de Colón
per tar col picu pieslláu
y en sin ganes dar razón,
cual si toviés medrentáu
o agoliés escalabrón,
de damos dello recáu.
En mesmu defeutu cai
(ralo nél, tan escolfáu)
pel trubiecu al entruga–y
posque, gachu, dai d’albiés,
tou espreceta y nun hai
manera al home saca–y
lo de si fo xenovés
o catare la primera lluz,
o el nieru lu toviés
un taragüelu, en Xixón;
en Levincu o Casomera;
en Carreñu o Avilés;
p’harcia la cuenca’l Nalón;
o pueque ena Güeria Urbiés,
en Carcarosa, Cenera,
Ablaña, Paxío o Siana
endientro’l conceyu Mieres…
Refiérveme ena mollera
que fo de triba asturiana
cualisquiera les maneres
y, per ello, pami yo
que —de llau sos pelameres—
tan grandón y trabáu fo,
chau p’alantre y, sobre too,
alloqueceor muyeres.
Y pa non oyer responsu
—que non lu merezo, non—,
en el debuxu de Fonsu
Ilesies vese a Colón
garráu a un globu estudiando,
pero pa tar en razón
y dir en materia entrando
to que vos esclarecer
del primer tarrestre globu
que lu ficiera un andovu
que ñacier en Nurember,
Martín Behaim llamáu,
home de munchu talentu,
y que fo lleváu a cau
el añu el escobrimientu.
(... / ...)