CABEZA,
Abdón Senén
Autor de delles fueyes volanderes en castellano y
n’asturiano (na nuestra llingua sábese qu’escribió siete, polo menos)
imprentaes ente 1857 y 1858, toes elles d’emponderanza y afalagamientu a la
corona española. Tan escrites, como tantes otres composiciones asemeyaes d’eses
dómines, con motivu de visites de los miembros de la Casa Real a Asturies. La
colección Cartafueyos... de l’Academia
de la Llingua publicó en 1997 seis d’estes composiciones col títulu A les sos Maxestaes y Alteces. Nun se
conocen más datos de la vida y obra d’Abdón Senén Cabeza.
BIBLIOGRAFÍA
Creación
Cabeza, Abdón Senén
A les sos Maxestaes y Alteces / Abdón Senén Cabeza. —
Uviéu : Academia de la Llingua, 1997. — Ed. facs. — 34 p. ; 15 cm. —
(Cartafueyos de lliteratura escaecida ; 24). — Reprod. facs.
ISBN 84-8168-092-3