FERNÁNDEZ GARCÍA, Joaquín

(1943)

 

Nació n’Uviéu en 1943. Pasó la infancia y la mocedá nun ambiente rural, nel conceyu d’Aller, al que va dedicar bona parte de la so obra de divulgación etnográfica y recreación lliteraria. Llicenciáu en Medicina pola Universidá de Granada, doctoróse na d’Uviéu con una tesis sobre la medicina popular asturiana. Ye autor de diveros trabayos sobre etnografía y folklor.

   Como narrador en llingua asturiana tien publicaos los siguientes llibros: Coses d’osos (ocho cuentos alleranos) (1993), Fito nel país de los gorretinos (1994), Les vaques tamién piensen y sienten (1996), Maldaes de llobos (1996) y , Lau, la mia perra fiel (1998) y Gene : la xana que quiso ser madre (1998). En toos ellos, Joaquín Fernández, parte d’un trabayu previu de recopilación de narraciones orales pa recreales darréu lliterariamente. Los sos llibros tienen un gran interés p’averar a los llectores asturianos actuales, sobremanera a los más nuevos, a una realidá cultural ya perdía na so alcordanza na mayoría de los casos.

 

 

 

BIBLIOGRAFÍA

 

Creación

 

Fernández García, Joaquín

Coses d’osos: (ocho cuentos alleranos) / Joaquín Fernández García ; dibuxos d’Isaac del Rivero. — Uviéu : Trabe, 1993. — 102 p. : il. ; 19 cm. — (Montesín ; 5).

ISBN 84-8053-023-5

 

Fernández García, Joaquín

Fito nel país de los gorretinos / Joaquín Fernández García. — Uviéu : Trabe, 1994. — 80 p. : il. ; 19 cm. — (Montesín ; 10).

ISBN 84-8053-037-5

 

Fernández García, Joaquín

Maldaes de llobos : doce cuentos asturianos / Joaquín Fernández García. — Uviéu : Trabe, 1996. — 209 p. ; 20 cm. — (Incla interior ; 24)

ISBN 84-8053-062-6

 

Fernández García, Joaquín

Les vaques tamién piensen y sienten : ocho cuentos ayeranos / Joaquín Fernández García. — Mieres : Editora del Norte, 1996. — 168 p. ; 19 cm. — (El fumu de los trenes ; 3)

ISBN 84-88660-33-2

 

Fernández García, Joaquín

Lau, la mia perra fiel / Joaquín Fernández García ; dibuxos de Maite Fernández Alonso. — Uviéu : Academia de la Llingua Asturiana, 1998. — 142 p. : il. ; 21 cm.

ISBN 84-8168-136-9

 

Fernández García, Joaquín

Gene : la xana que quiso ser madre / Joaquín Fernández García ; dibuxos de Maite Fernández. — Uviéu : Trabe, 1998. — 159 p. : il. ; 19 cm. — (Montesín ; 17)

ISBN 84-8053-092-8

 

 

Ensayu

 

Fernández García, Joaquín

Medicina popular y religiosa en Asturias [Microficha] /Joaquín Fernández García. — Oviedo : Universidad, 1991.

ISBN 84-7468-414-5

 

Fernández García, Joaquín

Las humanidades médicas : (pasado, presente y futuro) /Joaquín Fernández García. — Oviedo : KRK, 1996. — 78 p. ; 24 cm.

ISBN 84-89613-11-7

 

Fernández García, Joaquín

La sangre en las culturas humanas : (mitos, ritos y símbolos) /Joaquín Fernández García. — Oviedo : KRK, 1996. — 148 p. ; 24 cm.

ISBN 84-89613-09-5

 

Martínez González-Río, Jaime

El tabaco, una epidemia a comienzos del siglo XXI : discurso de ingreso como académico numerario del Ilmo. Sr. D. Jaime Martínez González-Río y discurso de contestación por el Ilmo. Sr. D. Joaquín Fernández García. — Oviedo : Real Academia de Medicina de los Distritos Universitarios de Asturias y León, 1998. — 102 p. ; 24 cm

DL AS 1809-1998

 

Asociación Española de Médicos Escritores y Artistas. Reunión Nacional (13ª. 1998. Oviedo)

Scripta et opera medicorum : (comunicaciones a la XIII Reunión Nacional de la Asociación Española de Médicos Escritores y Artistas) / Joaquín Fernández García, Celestino Vigil Fuente, coords. — Oviedo : Benito Lozano Llamazares, 1998. — 409 p. : il. ; 24 cm

ISBN 84-8497-578-9

 

 

 

 

ANTOLOXÍA

 

Pelleya d’osu

 

Los lloos son animales mui dañinos, porque maten non sólo pa cumer, sino tamién p’acabar con tolo qu’hai y topen; y nun respeten ná: cabres, oveyes, vaques, yegues, burros, perros y hasta homes; que naide se llame a engañu: los lloos eszarapen a un paisano, si se tercia, en menos que canta un gallo.

A los lloos nun hai quien los domestique; yá pues criar un llobín a cuirpu de rei, que, cuando sea mayor, si pue, échate la zarpa anque lu tengas fartucu; enrear con un llou ye lo más peligroso d’isti mundo; prueba d’ello ye que, cuando vas sulu pel monte y tán cerca de ti, anque nun los veas, pónensete los pelos de punta y quiébrasete l’habla; y, más d’ún, después de la medrana, queóse muu pa siempre o puénxose–y el pelo blanco pa tola vía.

N’Asturies siempre se perseguiú a los lloos como lo que son; y, pa eso, siempre se dioren batíes dirixíes por un representante del Auntamientu, con obligación d’asistir como si se tratara d’una sustiferia más; y los alimañeros llegaen a cobrar cuarenta riales por ca llubu cacéu, más la voluntá de los sos vecinos.

Nun pue olvidáse–y a neide que los lloos, cuando se tercia y a traición, maten a la xente. Arródiente entre tres o cuatro pa que nun te muevas y, ún d’ellos, el más creminal, tírase a ti y mátate clavándote los caniles nel piscuizu; el que nun lo crea, que s’alcuerde de lo que–y pasó a Ramón el cestiru que vivía na carretera de lluarca a Tinéu. Nun hei que llamase a engañu, porque, como diz el refrán asturianu, “el llobu ye muerte y dolor, pa la oveya y pal pastor”.

Nun se sabe por qué, pero los lloos, por munchos que sean, nun arremeten nunca contra l’osu; y yá puen tener fame, qu’esto nun lo faen xamás; así ye que, ma qu’arrecienden al osu, colen pa utru lleu; por ello, dalgunos paisaninos coriosos y recoteyaos, poníen cachos de pelleya d’osu en mun chos llugares; na puerta les cuadres; nes portielles de los praos; enriba de les albardes de les caballeríes; nos collares del cencerru y en munchos sitios y llugares más; y pal que nun lo crea, qu’oya isti cuintu.

E1 tíu Celestino yera ún de los paisanos más recoteyaos que puía vese; má con achisbelu y ver có mo andaba portiéu yá se sabía; puía andar probe, porque yera mui probe, pero siempre taba compuistu y con ca cosa en so sitiu; y, viéndolu trabayar, dexando ca cosa onde tinía que tar, víase lo curiusu y ordenéu que yera.

Además, sabía muncho; too cuanto sabíen los vieyos más autorizaos, a cien legues, sabíalo tamién él; así ye que tol mundu lu llamaba cuando se vía apuréu: que s’enclavaba una vaca, allí taba’l tíu Celestino; qu’una vaca nun acababa de parir, a llamelu; qu’un guahe tenía alferecía, a aviselu; que...; al tíu Celestino sólo–y faltaba dicir misa; y, si se ponía, seguro que lo facía y bien ; porque, envede xurar y perxurar, dicía latinaxos como estos:

—¡Demoniu meus!, isursum y alcorde!

Pero’l tíu Celestino yera muncho más; bien habléu, rezaor, temerusu de Dios, prestamusu y toles coses bones que se puean pensar; nun yera tan coriosa la so muyer, Javiera, gorda y un muncho estrapolexá; pero tol mundo nun ye igual y hei que transixir un poco; lo de Javiera, el tíu Celestin o llevábalo con muncha resinación, porque convenzúse pronto de qu’aquello nun tenía remidiu.

Una de les osesiones d’isti paisanín yera la de tenélo too seguro y vexilao; así ye que taba en too: bendicía les tierres pela primavera con agua bendito y lloréu, bendicía’l ganao cuando lo llevaba pal puertu y taba osesionéu, como so guilu cola pelleya del osu pa guardase de les alimañes. La xente riíase d’estes maníes del tíu Celestino, pero él siguía coles sos costumbres: clavar un cachín de pelleya d’osu na fayeta qu’había a la entrá del mayéu, poner unes tires pela parte baxo de puertes y portielles y, sobre too, llevar de cobertal de l’albarda del caballo una pelleyona enteriza d’osu. La xente riíase d’estes coses, hasta que pasó lo que pasó.

Yera a la entrá de mayu y aquel añu yera bisiestu y melu; a los vaqueros d’Escoyo costára–yos munchu trabayu salir del iviernu; nes tenaes del llugar yá nun queaba un filu yerba; así ye que nun hebo más remidiu que colar pal puertu a primeros de mayo; los d’Escoyo, bonos vicinos unos con otros, allugaben toos en mayaos prósimos; entre La Vega Baxo, Fonfría y E1 llegu taben toos concentraos; d’esta manera, puíen ayuase si facía falta.

Aquel xueves baxaron toos bien temprano cola caminá; la verdá ye qu’había poco que baxar, porque colo que comíen les vaques nun poíen dar nin lliche, nin mantega nin ná; pero yera igual: los xueves había que baxar al llugar pa ver a la muyer y a los rapazos y pa subir vianda pa tola seman a; y, poco o muncho, había que traer pa casa’l lliche deburao pa los gochos y la mantega pa lleval o al mercáu de los viernes. Mientras baxaben los mayores, queaben nel mayéu los rapazos.

E1 día taba embacinéu, fríu y melu, col ciirzu bexu, a gates pelos regueros; si templaba un poco, a neide–y estrañaría que nevase pela terde; así ye que baxaron llueo y quearon en vese nel chigre de Lola la de Collanzo, sobre les dos de la terde pa tomar l’arrancaera y subir xuntos. A midiu día seguía embazacao y la nieve asomó’l focicu pelos altos; bien temprano, ensin ponese d’acuerdu, yá taben toos de vuelta en Collanzo y apenes paroren.

Pasaron trotiando La Barraca, Carpienzo, L. lamas, Rumañón, Casomera y La Paraya. Cuando llegaron a Les Foces de Roayer, yá floriaba; y cuando pasaben per Otambo, nevaba a trepu zarréu.

En Roayer, pedrera arría, aunque yeren pocos, aquello paecía un reximientu de caballería; atravesaron el puiblu de baxo arría y nun quixeron parar na tabierna, porque aquello taba ponién dose mui feo; cuando diben pela Sierra Les Alandrines, ya comencipiaba a cubrir; y, en L’Arenal, yá se vía la guelga, que ca vez se facía más fonda al pasu pela Casa’l Monte y Talabarda; La Cuesta del Penón yá taba mala de subir; y per E1 Carbayalín llegába yos la nieve pela ruiya a los caballos.

La estampa yera perguapa, pero metía mieo. Taben toos callaos, pero pensaben lo mismo: con aquella

enverná y con cuatro filos de yerba na tená, nun se sabía lo que pasaría.

Diba delantre’l tíu Celestino, coriosín, arrolléu na so manta, col paragues na mano izquierda y el ramal de la cabezá na derecha; detrás diben los otros cuatro de la mesma fegura; y, cuando diben a vadiar el reguerón de Fonfría, el caballo del Tíu Celestino dio un rinchíu suave y afoguéu, como de mieo; y, má avistar Fonfría, plantóse y puénxose a temblar; los demás fixoren lo mesmo.

E1 tíu Celestino amiró pa tras, fizo un ademán de calma y baxóse del caballo; agachóse y fixóse n a nieve; taba too claro: teníen los lloos enriba; y, polo menos, seis o siete; faltaba poco pa llegar a los mayaos, pero había que facelo como fuera: los rapazos taben arría solos y nun yera cosa d’averase a cualquier cuadra o cabana; nun fexo falta que naide se baxase de la so caballería.

E1 tíu Celestino encoló’l so caballo al d’Antón, desaparexó con muncha curiosidá y quitó–y el cobertal de pelleya d’osu a la so albarda; agarróla coles dos manes y puénxola delantre del so cuirpu como si fuera un mandil; d’esta manera y fegura, puénxose a la cabeza de toos; con tola seguridá del mundu, díxo–yos a los vaqueros:

—Siguíime; nun hei peligru dalgún.

Cuando yá taben metíos en Fonfría, cerca La Fuente del Marqués, viéronlos con toa claridá: tres lloos diben perriba apegaos al monte; y otros cuatro per baxo, atravesando los praos; yeren siete lloos como siete diaños: cardosos, el reu ente les pates, la bocona abierta, con una llingua d’a dos cuartes y enseñando unos colmiyos como navayes.

E1 tíu Celestino seguía delantre cola pelleya ente les manes; les caballeríes volvioren a plantase; y, él sulu, siguió andando; los lloos tomáron–yos la delantera y taben clares les intenciones que tiníen, porque diba estrechándose’l camín. El tíu Celestino siguiú y siguiú ensin aparase; viólos cerca, ca vez más cerca, pero nun s’aparó; fixóse nellos: ¡vaya recua creminales!, ¡vaya gueyos!, ¡vaya boques!; y rodiáronlu; taben nerviosos, preparaos p’ataquelu y eszarapelu, a escasos metros.

El tíu Celestino fizo lo que tenía que facer: encomencipió a estraquelexar la pelleya y a pegar berríos como l’osu; los lloos quearon plasmaos primero, nerviosos dimpués y asustaos, por fin; y nun momentu determináu, metioren el reu entre les pates y dioren en correr monte arría, empozándose a ratos na nieve; metiórense nel Monte Caorna aullando, como si hubieren visto al dieblu.

El tíu Celestino montó nel so caballo y punxéronse toos en marcha; traíen una medrana que nun yeren capaces de parllar; toos, menos aquel vieyín que diba’l primiru, col a pelleya arrollá delantre, por si golvía a necesitase.

L. legaron a La Vega Baxo; los rapazos taben toos na cabana del tíu Celestino y col mieo metíu en cuirpu; desde allí viéranlo too aquella terde; bien temprano, a midiu día, como nevaba tanto, habíen amarrao’l ganao y zarrao bien toles puertes; después, escardin aos de mieo, metiórense toos a calecer na cabana del tíu Celestino; oyoren los aullíos de los lloos na maea Los Rubios; y desde’l portal, vioren cómo baxaben los siete lloos, rodiaben les cabanes y les cuadres, esgarapollaben pa ver si puíen entrar y llevaron toles cuadres y les cabanes d’estaya. Y, al llegar a La Vega Baxo, vioren que los lloos se paroren xunto a la faya que tinía un cachu de pelleya d’osu; allí quearon clavaos, como si perdieran la fuerza; y, amirando unos pa otros, metioren el reu entre les pates y coloren aullando, camín abaxo.

Aquellos rapazos aprendioren pa siempre pa qué val una pelleya d’osu; el tíu Celestino, nun facía ná en belde y siempre tinía razón. Paisanos como aquel necesitábase ún en ca llugar.

 

                                                   (De Coses d’osos)