FIDALGO PRAVIA, Pilar

(1955)

Nació en Caracas (Venezuela) nel añu 1955 pero vive en Mieres dende 1956. Perteneció al nucléu mierense de Conceyu Bable. Llicenciada en Xeografía y Especialista en Llingua Asturiana, trabaya na Secretaría Téuncia de l’Academia de la Llingua dende 1990.

Ye autora d’Una pequeña hestoria (1989), una narración infantil escrita en collaboración con Xuan Manuel Ribera Fernández y de dellos estudios etnográficos y toponímicos, publicaos na revista Cultures y na colección Toponimia, dambes publicaes pola Academia de la Llingua.

Importante ye’l llabor de Pilar Fidalgo como traductora. Debémos-y les versiones n’asturiano d’Obabakoak (col alcuñu de Lena Rodríguez Coalla), el Manifiestu Comunista y Un vieyu que lleía noveles d'amor, la popular novela del escritor chilenu asitiáu en Xixón Luis Sepúlveda.

BIBLIOGRAFÍA

Creación

Fidalgo Pravia, Pilar

Una pequeña hestoria / Pilar Fidalgo Pravia, Xuan Manuel Ribera Fernández ; dibuxos, Emer Girling Murphy. — Uviéu : Academia de la Llingua Asturiana, 1989. — 28 p. : il. col. ; 22 cm. — (Escolín ; 38)

ISBN 84-86936-09-8

Ensayu

Fidalgo Pravia, Pilar

Conceyu de Pravia. Parroquia de Quinzanas / [recoyida oral de Pilar Fidalgo Pravia]. — Uviéu : Academia de la Llingua Asturiana, 1990. — mapas ; 21 cm. — (Toponimia ; 7)

ISBN 84-86936-33-0

Conceyu de Mieres. Parroquia de Santuyano / Pilar Fidalgo Pravia y Delfina Flórez Fernández. — Uviéu : Academia de la Llingua Asturiana, 1996. — v. : map. ; 21 cm. — (Toponimia ; 24)

ISBN 84-86936-86-1

Traducción

Atxaga, Bernardo

Obabakoak / Bernardo Atxaga ; traducción, Lena Rodríguez Coalla. — Mieres : Editora del Norte, 1995. — 290 p. ; 21 cm. — (Contemporáneos de narrativa ; 5)

ISBN 84-88660-17-0

Sepúlveda, Luis

Un vieyu que lleía noveles d'amor : novela / Luis Sepúlveda ; traducción Pilar F. Pravia. — Mieres: Editora del Norte, 1998. — 122 p. ; 22 cm. — (Contemporáneos de narrativa ; 10)

ISBN 84-88660-62-6

Marx, Karl

El manifiestu comunista / K. Marx y F. Engels ; traducción de Pilar Fidalgo Pravia. — Mieres: Editora del Norte, 1999.