FIERRO
BOTAS, Federico G.
Nació n’Uviéu, sacerdote, doctor en Teoloxía,
llicenciáu en Ciencies Polítiques y n’Hestoria. Espertu en llingua y
lliteratura ruses y profesor visitante en delles universidaes de l’antigua
Unión Soviética y de l’actual Federación Rusa. El xesuita Federico Fierro fue
cura obreru nos años 60 y 70, trabayando en diversos empleos: empleáu manual de
fábriques, carteru, etc. en Cataluña, Galicia y per Europa. Nesi tiempu entra
en contactu col sindicalismu clandestín antifranquista y collabora con delles
organizaciones obreres, sobremanera en materia de formación de los sos
militantes. Tiempu depués, en 1996, elabora ún manual de formación sindical,
entamáu nos sos años de cooperación coles organizaciones obreres
antifranquistes. Viaxa en numberoses ocasiones a la Unión Soviética y de les
sos estancies ende surde’l so interés pola cultura rusa. Destináu pola so orde
a Xixón trabaya como profesor na Fundación Revillaxixéu, de la que llega a ser
director.
Federico Fierro ye miembru fundador del colectivu “Manuel Fernández de
Castro”, plataforma qu’agrupa a sacerdotes favorables a la normalización de la
llingua asturiana. Dende esa asociación publica xunta col tamién sacerdote
Alexandru Rodríguez Alonso la traducción al asturiano de la Lliturxa Católica y otres obres del mesmu calter. Ye
cotraductor del Evanxeliu de San Lluques
a la nuestra llingua. En 1991 dio a estampa una versión n’asturiano de les Poesíes Líriques del rusu Alexander
Pushkin. Asinamesmu, collabora dende’l primer momentu cola Sociedá Bíblica
Internacional nel so proyectu de traducción al nuestru idioma de los distintos
llibros de les Sagraes Escritures.
BIBLIOGRAFÍA
Ensayu
Fierro Botas, Federico G.
La formación sindical impartida por centrales
representativas en España (1976-1992) / Federico G.-Fierro Botas. -- Madrid :
M.L., 1997. -- 926 p. ; 24 cm
ISBN 84-605-5899-1
Traducción
Pushkin, Aleksandr Sergueevich
Poesíes llíriques / versión billingüe y
traducción dende los orixinales rusos, escoyeta, entamu y notes por Federico
G.-Fierro Botas. -- Uviéu : Academia de la Llingua Asturiana, 1991. -- 200 p. ;
20 cm. -- (Libreria Académica ; 18)
ISBN 84-86936-48-9
Iglesia Católica
Lliturxa católica / traducción dende los
orixinales llatinos vaticanos por Federico G.-Fierro Botas, Alexandru Rodríguez
Alonso. -- Xixón : Alborá, 1991. -- 334 p. ; 24 cm
Traducido del latín
ISBN 84-87562-07-8
Fierro Botas, Federico G.
Oraciones, bendiciones, pidimientos y cancios
relixosos n'asturianu / Federico G.-Fierro Botas, Alexandru Rodríguez Alonso.
-- Xixón : Alborá Llibros, 1993. -- 253 p. : mús. ; 21 cm
DL AS 1239-1993. -- ISBN 84-87562-09-4
Homilíes : domingos y festividaes del añu de los
ciclos llitúrxicos A,B,C, sacramentos y esequies / coordinador de la traducción
y revisor xeneral del testu, Federico G.-Fierro Botas. -- Uviéu : Coleutivu
Manuel Fernández de Castro, 1995. -- 616 p. ; 30 cm
ISBN 84-605-3961-X
Iglesia Católica
Lleicionariu de la lliturxa de los domingos y
festividaes de los ciclos: A,B,C : sacramentos y esequies / coordinador de la
traducción y revisor xeneral del testu, Federico G.-Fierro Botas. -- Uviéu :
Coleutivu "Manuel Fernández de Castro", 1997. -- 411 p. : il. ; 24 cm
ISBN 84-922628-0-X