GARCÍA ARIAS,  Xosé Lluis

(1945)

 

Nació Xosé Lluis García Arias en Monticiellu (Teberga) el 6 de mayu de 1945. Según tien escrito Celso Peyroux, depués de facer los primeros estudios en Samartín de Teberga treslladóse a Palencia y Pontevedra a cursar el bachilleratu nos maristes. Marchó depués a vivir colos sos padres a Uviéu onde diba llicenciase en Filoloxía Románica (la so tesis doctoral dedicóla a El habla de Teberga. Sincronía, diacronía e introducción a la toponimia).

    Depués de dar clase de francés nun institutu de Lluanco y de trabayar comu profesor adxuntu nes universidades d’Uviéu, Valladolid y Lleón, torna al cabu pa la d’Uviéu.

    Fue García Arias ún de los creadores de Conceyu Bable y ye Presidente de l’Academia de La Llingua Asturiana dende la so fundación. Pelos años setenta dirixó la Estaya Lliteraria y el Seminariu de Llingua Asturiana que funcionó na Universidá. Anguañu fai otru tantu cola revista Lletres asturianes y con toles colecciones (Llibrería Académica, Llibrería Facsimilar, Escolín, Toponimia...) qu’edita l’Academia.

    La obra de García Arias ye sobre too ensayística y especializada en temes llingüísticos (v. Bibliografía). Na estaya lliteraria apaez comu’l traductor al asturiano d’El Principín y colos poemes y cuentos que fue asoleyando en Lletres asturianes y notres publicaciones conxuntes, firmaos siempre con alcuñu (“Xenxu Trescantu”, “Lluis Fontetoba”, “X.Ll.G.A.”,...)

    En volume tien publicao, tamién col seudónimu de Lluis Fontetoba, Patriótiques proses en versu.

 

 

 

BIBLIOGRAFÍA

 

Creación

 

Fontetoba, Lluis

Patriótiques proses en versu / Lluis Fontetoba. — Uviéu : Academia de la Llingua Asturiana, 1992. — 57 p. ; 20 cm. — (Llibrería académica ; 20).

ISBN 84-86936-69-1

 

 

Traducción

 

Saint-Exupèry, Antoine de

El principín = Le petit prince / Antoine de Saint Exupèry ; con dibuxos del autor ; vertíu per X.Ll. García Arias ; cola collaboración de Marta Suárez. — Uviéu : Academia de la Llingua Asturiana, 1983. — 93 p. : il. col.; 21 cm. — (Escolín ; 7).

ISBN 84-600-3315-5

 

Saint-Exupéry, Antoine de

El principín = Le petit prince / Antoine de Saint-Exupéry ; con dibuxos del autor ; vertíu per X. Ll. García Arias ; cola collaboración de Marta Suárez. — [2ª ed.]. — Uviéu : Academia de la Llingua Asturiana, 1984. — 93 p. : il. col. ; 22 cm. — (Escolín ; n. 7)

ISBN 84-600-3315-5

 

 

Ensayu

 

García Arias, Xosé Lluis

Llingua y socieda asturiana : [hestoria, entamos, enfotos] / Xosé Lluis Garcia Arias ; entamu: Dra. Josefina Martínez Alvarez ; pesllando: Dr. José A. Martínez. -- Uviéu : Conceyu Bable, 1976. -- 106 p. ; 21 cm

ISBN 84-400-1884-3

 

García Arias, Xosé Lluis

Pueblos asturianos : el porqué de sus nombres / Xosé Lluis García Arias. — Salinas : Ayalga, 1977. — 334 p. : map. ; 18 cm. — (Colección popular asturiana ; 38)

ISBN 84-7411-044-0

 

García Arias, Xosé Lluis

Rellumos de folklor / X.Ll. García Arias. — Uvieu : Seminariu de Llingua Asturiana, 1981. — 31 p. ; 21 cm. — (Seminariu de Llingua Asturiana ; 5)

ISBN 84-600-2163-7

 

García Arias, Xosé Lluis

Política cultural n'Asturias : testu del pregón de les fiestes de San Xuan de Mieres lleíu... el 14 de xunu de 1983 / X. LL. García Arias. — [S.l.] : X. LL. García Arias, 1983. — 22 p. ; 22 cm

DL O 2231-1983

 

García Arias, Xosé Lluis

Llingua y sociedá asturiana / Xose Lluis García Arias. — [2ª  ed.]. — [s.l.] : l’autor, 1984. — 106 p. ; 21 cm. — (Comuña Lliteraria ; 2).

ISBN 84-400-1884-3

 

García Arias, Xosé Lluis

Pueblos asturianos, el porqué de sus nombres / Xosé Lluis García Arias. —  2ª ed. — Salinas : Ayalga, 1984. — 334 p. ; 18 cm. — (Colección popular asturiana ; 38).

ISBN 84-7411-044-0

 

García Arias, Xosé Lluis

Contribución a la gramática histórica de la lengua asturiana y a la caracterización etimológica de su léxico / Xosé Lluis García Arias. — Uviéu : Serviciu de Publicaciones, Universidad d’Uviéu, 1988. — 390 p. ; 21 cm. — (Biblioteca de filoloxía asturiana ; 3). —Bibliografía.

ISBN 84-7468-150-2

 

García Arias, Xosé Lluis

Conceyu de Teberga / Xosé Lluis García Arias. — Uviéu : Academia de la Llingua Asturiana, 1993. — 169 p., 7 p. de plan. ; 21 cm. — (Toponimia ; 31). — Bibliografía.

ISBN 84-8168-004-4

 

García Arias, Xosé Lluis

Toponimia: teoría y actuación / X. Ll. García Arias. — Uviéu : Academia de la Llingua Asturiana, 1995. — 175 p. ; 21 cm. — (Llibrería llingüística ; 4). —Bibliografía.

ISBN 84-8168-032-X

 

García Arias, Xosé Lluis

Conceyu d'Amieva / Xosé Lluis García Arias. — Uviéu : Academia de la Llingua Asturiana, 1997 —  p. : mapas ; 21 cm. -- (Toponimia; 60)

ISBN 84-8168-113-X v. 1

 

 

Edición lliteraria

 

Antoloxía de prosa bable / [rec.], Xosé Lluis García Arias. — Oviedo : Caja de Ahorros de Asturias, 1981. — 287 p. : il. ; 19 cm. — (Biblioteca Académica Asturiana ; 3)

ISBN 84-500-4927-X

 

Krüger, Fritz

Palabras y cosas del suroeste de Asturias: tres estudios / Fritz Krüger ; edición de Xosé Ll. García Arias. — Uviéu : Serviciu de Publicaciones, Universidá d’Uviéu, 1987. — 84 p., 20 p. de lám. : il. ; 21 cm. — (Biblioteca de filoloxía asturiana ; 2). —Bibliografía.

ISBN 84-600-5197-8

 

Florez y González, José María

Composiciones en dialecto vaqueiro / José Mª Florez y González ; edición de Xosé Ll. García Arias. — Asturias : Arbás, 1989. — 97 p. : il. bl. y n. ; 21 cm.

ISBN 84-87310-00-1

 

González de Posada, Carlos

Diccionario de algunas voces del dialecto asturiano y otros papeles / Carlos González de Posada ; edición de Xosé Lluis García Arias. — Uviéu : Serviciu de Publicaciones, Universidá d’Uvieu, 1989. — XVII, 63 p., 6 p. de facs. ; 21 cm. — (Biblioteca de filoloxía asturiana ; 4).

ISBN 84-7468-184-7

 

Junquera Huergo, Juan

Gramática asturiana : (1869) / Juan Junquera Huergo ; edición, entamu y notes de X. LL. García Arias ; collaboración na llectura de Sara Gutiérrez y José Suárez Fernández. — Uviéu : Academia de la Llingua Asturiana, 1991. — 300 p. ; 21 cm. — (Llibrería llingüística ; 1).

ISBN 84-86936-54-3

 

Fueru xulgu: llectura fecha acordies col Cod. Hisp. 28 de la Biblioteca del Estáu de Baviera por Montserrat Tuero Morís / entamu de Xosé Lluis García Arias ; edición iguada pola Academia de la Llingua Asturiana. — Uviéu : Conseyería d’Educación, 1994. — 2 v. ; 22 cm.

ISBN 84-7847-291-6

 

Antoloxía de prosa bable / Xosé Lluis García Arias. — Uviéu : Academia de la Llingua Asturiana, 1998. — 288 p. ; 19 cm. — (Llibrería facsimilar ; 44). — Reprod. de la ed. de: Oviedo : Caja de Ahorros de Asturias, 1981

ISBN 84-8168-162-8

 

 

Bibliografía

 

Celso Peyroux, “Xosé Lluis García Arias: 1945”, en:  Sombra del camino, Teverga, Ayuntamiento, 1990, pp. 43–48.

 

 

 

 

ANTOLOXÍA

 

 

A VEGAES camienta ún que la lluna ye nidia

y, a vegaes, que les estrelles esmúcense pel cielu

cola priesa del qu’entaína si lu escuerren.

Mas nun ye asina, comu se persabe:

nin la lluna ye nidia sinón zarrapellosa

(y sin non entrugáilo a los cosmanautes)

nin les estrelles fuxen, darréu que xueguen a escondese,

comu saramolletes qu’en puertu sotiérrense pente’l sable.

 

 

 

CUENTU CURTIU

 

Cuandu la zarrica anoxa’l ñeru

ye niciu de que nun va tornar.

Y si daquién a l’andarina–y lu esborra

milenta males entamen

... si ye qu’entamen.

 

 

 

UNA a una esbillaes foron les pallabres,

non a sílabes cuntaes

nin marcaes pola mor del curtiu tiempu.

 

Dacuandu, entainaba la pluma llixero,

comu l’aire guilordu,

dacuandu esgariao

¡ábrigu chornosu d’ensuchu aliendu!

 

¡Patriótiques proses profanes!

¡Patrióticos probes versos!

 

Valdrá escaecer lo que dicen.

Por falar nun falen de patria

Por dicir nun dicen un vierbu.

Por nomar nun nomen a naide.

 

¿Qué será’l patrióticu versu?

 

                          (De Patriótiques proses en versu)