GARCÍA-RENDUELES Y GONZÁLEZ, Ricardo

(1867–1913)

Nació en Xixón en 1867 y morrió na mesma ciudá en 1913. Estudió’l bachilleratu nel Institutu Xovellanos de Xixón y Filosofía y Lletres na Universidá de Salamanca, na que se llincenció. Fue, al paecer, un fondu conocedor de les lliteratures europees, sobremanera les clásiques. Ye autor d’unos cuantos poemes n’asturiano, dellos recoyíos por Enrique García Rendueles na so antoloxía Los nuevos bablistas, y nos qu’ensaya un tipu de poesía de corte neorromántica y sentimental.

BIBLIOGRAFÍA

García Rendueles, Enrique

Los nuevos bablistas / Enrique García Rendueles; edición d’Alvaro Ruíz de la Peña— Uviéu : Academia de la Llingua, 1987. — Ed. facs. — 359 p. — (Llibrería facsimilar; 2)

ISBN 84-680-1.462-8