GONZALEZ ALVAREZ, Arsenio

(1931)

Nació'l comediógrafu Arsenio González en Xixón nel añu 1931. Ye un destacáu representante del teatro neocostumista asturianu, escritu pa representar por compañíes d'aficionaos y que cuntó siempre col favor y el fervor del públicu. Según Manuel Palomino, "el neocostumismu escríbese en clave de comedia. Son corrientes subtítulos comu'l de juguete cómicu, comedia, juguete humorísticu, sketh cómicu, o parida, los neocostumistes nun busquen trescender l'aición doméstica; la unidá familiar ye a menudo'l microcosmos teatral que se recrea y se reflexa tola so frescura y viveza a partir de trames mínimes nes que l'aición ye cuasi inesistente..."

En 1997 l'Academia de la Llingua recueye en volume Tres comedies d'Arsenio González: El boleru de Chano, La Declaración y Los figos de San Miguel.

BIBLIOGRAFÍA

Creación

González Álvarez, Arsenio

Tres comedies / Arsenio González Álvarez. — Uviéu : Academia de la Llingua, 1997. — 159 p. ; 20 cm. — (Mázara ; 4).

ISBN 84-8168-110-0

Bibliografía

Manuel Palomino, "Pa una muestra del Teatru n'Asturies". En: Primeres Xornaes de lliteratura asturiana. Ponecies, Xixón, Fundación Municipal de Cultura, 1992, pp. 60.