GONZÁLEZ–QUEVEDO,
Roberto
(1953)
Nació en Palacios del
Sil, Lleón, en 1953. Llicenciáu en Filosofía y Doctor n’Antropoloxía. Autor, en
collaboración cola madre (Eva González) de seis llibros de poesía y prosa: Poesías ya hestorias na nuesa tsingu;
Poesías ya cuentus na nuesa tsingua (1980), Bitsarón: Cousas pa nenus ya pa grandes na nuesa tsingua (1981), Xentiquina (1983), Xeitus: poesías ya cuentus (1985) y Branas d’antanu ya xente d’anguanu: poesías ya cuentus (1990) (v.
Eva González). En 1981 algamó’l Premiu de Narraciones Curties de la Diputación
d’Asturies (antecesor del Xosefa Xovellanos) col so relatu: Pul sendeiru la nueite, una fabulación
mítica sobre’l sustratu cultural prerromanu, que González Quevedo recrea sobre
una realidá conocida: el territoriu que na so poesía va llamar Pesicia (nome
sacáu nel xentiliciu de la época prerromana: pésicos). Pesicia va ser el terrén
pel que s’esnidien los versos del, hasta la data, únicu poemariu del autor
llacianiegu: Inis Aion (1986), un
intentu de crear un tipu de poesía épica asturiana sobre un pasáu más míticu
qu’hestóricu, que davezu algama resultaos nada refugables como poemes.
Roberto González
Quevedo ye autor de numberosos artículos y trabayos sobre lliteratura,
antropoloxía y etnografía. En 1991 apaez Roles
sexuales y cambio social en un valle de la Cordillera Cantábrica; en 1994
publícase’l so estudiu: Antropoloxía
llingüística: cultura, llingua y etnicidá; en 1997 apaecen les monografíes Economía y cultura: cambios económicos y
cambios culturales n'Asturies y La
cultura de los vaqueiros de alzada según Bernardo Acevedo.
Ye miembru de númberu de l'Academia de la Llingua y director de la espléndida revista Cultures, editada pola Academia asturiana y dedicada a temes antropolóxicos y etnográficos.
BIBLIOGRAFÍA
Creación
Solís Santos, Miguel
Astor o un ensayo pa una nuea mitoloxía / Miguel
Solís Santos. Bosquejo de una sombra / José Angel Ortiz Llaneza. Pul sendeiru
la nueite / Roberto González–Quevedo González. — Oviedo : Diputación de
Asturias, 1981. — 77 p. : il. ; 21 cm. — “Primer concurso de narraciones cortas
en bable y castellano".
ISBN 84-500-5144-4
González Fernández, Eva
Poesías ya cuentus na nuesa tsingua / Eva
González Fernández, Roberto González–Quevedo González ; entamu de Xosé Lluis
García Arias. — 2ª ed. — [S.l.] : Los autores, 1982. — 55 p., 1 f. : il. ; 20
cm. — (Na nuesa tsingua ; 1)
ISBN 84-300-2052-7
González Fernández, Eva
Poesías ya hestorias na nuesa tsingua / Eva
González Fernández, Roberto González–Quevedo González ; entamu de Lluis Xabel
Álvarez — 2ª ed. — [S.l.] : Los
autores, 1981. — (Na nuesa tsingua ; 2)
González Fernández, Eva
Bitsaron : cousas pa nenus ya pa grandes na
nuesa tsingua / Eva González Fernández Roberto González–Quevedo González ;
entamu de Guzmán Álvarez. — [S.l.] : Los autores, 1982. — 61 p., 1 f. ; 21 cm.
— (Na nuesa tsingua ; 3)
ISBN 84-300-6219-X
González Fernández, Eva
Xentiquina: poesías ya cuentus / Eva Glez. Fdez.
y Roberto Glez.-Quevedo-Glez ; entamu de Xosé Álvarez Fernández. — [S.l.] : Los
autores, 1983. — 61 p. ; 21 cm. — (Na nuesa tsingua ; 4)
ISBN 84-300-9845-3
González Fernández, Eva
Xeitus: poesías ya cuentus / Eva González
Fernández, Roberto González-Quevedo González ; entamu de Manuel Fernández de la
Cera. — [S.l.] : Los autores, 1985. — 45 p. : il. ; 21 cm. — (Na nuesa tsingua
;
5).
ISBN 84-398-4558-8
González-Quevedo González, Roberto
Inis Aión / Roberto González-Quevedo González. —
Uviéu : Llibros de Frou, 1986. — 37 p. ; 22 cm. — (Redol de poesía ; 4)
DL O. 2159-1986
González Fernández, Eva
Brañas d’antanu ya xente d’anguanu: posías ya
cuentus / Eva González Fernández, Roberto González-Quevedo González ; entamu de
Francisco González Bandi. — [S.l.] : Los autores, 1990. — 73 p. ; 21 cm. — (Na
nuesa tsingua ; 6).
ISBN 84-404-7553-5
González Fernández, Eva
Brañas d’antanu ya xente d’anguanu: poesias ya
cuentus / Eva González Fernández, Roberto González-Quevedo González. — [S.l.] :
l’autora, 1990. — 73 p. ; 21 cm. — (Na nuesa tsingua ; 6).
ISBN 84-404-7553-5
González-Quevedo González, Roberto
Roles sexuales y cambio social en un valle de la
Cordillera Cantábrica / Roberto González - Quevedo. — Barcelona : Anthoropes, 1991. — 79 p. ; 27 cm. — (Cuadernos de
antropología ; 12)Bibliografía : p. 74-
79.ISBN 84-7658-311-7
Ensayu
González-Quevedo González, Roberto
Antropoloxía llingüística: cultura, llingua y
etnicidá / Roberto González-Quevedo. — Uviéu : Academia de la Llingua Asturiana,
1994. — 223 p. ; 21 cm. — (Llibrería llingüística ; 2).
ISBN 84-8168-006-0
González-Quevedo González, Roberto
La cultura de los vaqueiros de alzada según
Bernardo Acevedo / Roberto González-Quevedo González. Las fuentes de energía y
el medio ambiente / Raimundo Roces Velasco. — Oviedo : Instituto Pando, 1997. —
35 p. ; 24 cm. — (Cuadernos de Pando)
DL AS 1403-1997
González-Quevedo González, Roberto
Economía y cultura: cambios económicos y cambios
culturales n'Asturies / Roberto González-Quevedo. — Mieres : Editora del Norte, 1997. — 299 p. ; 21 cm.
— (Ensayu ; 2)
ISBN 84-88660-61-8
ANTOLOXÍA
LA MIA CABANA
Por fin toi solu
Marchanon los amigos.
Enxamás tornarán yá
las esperanzas
d’antias.
Enxamás los guechos
amirarán las mesmas cousas.
Marchanon los amigos.
¡Qué marchen con buen
pía!
Yá nun son los mieus
amigos.
Son sacaberas murnias.
Son antroidos
d’utuenu.
Pero la mía cabana
dexóu la puerta
abierta
pa los amigos nuevos.
EL RÍU
Siéntome dir polos
carreiros verdes
enrechuscaos de
fleitos
que van repolleciendo.
Yá escurecíu
ya, por tanto,
nun soi a sabere
qué buscan los
caminos.
Malapenas veio
los choupos esvaciase
pa faere compaña
a la canción del ríu
que,
güei,
vien chenu rousas,
Vida mía,
vida mía,
fondu misteriu hai en
ti,
anque sos mía.
Los dous marchamos
al lláu del ríu ente
los choupos ya las xeladas auguas.
Va marmullando
el cristal de las
gotas
ya’l blancu
espumacheiru
esbarrumbando piedras.
Mas silenciu,
vida mía,
hai en ti
que nos prietos
banzaos.
Siémtome dir polos
carreiros verdes
enrechuscaos de
fleitos
que van
repolleiciendo.
Yá escurecíu
ya nun soi a sabere
cuálas cousas son
aquellas
que buscan los
caminos.
(De Inis Aión)