JUNQUERA HUERGO, Juan

(1804– ?)

Nació en 1804 en La Reboria, parroquia de San Andrés de los Tacones, en Xixón. Profesor del Institutu Xovellanos de Xixón y collaborador habitual de la prensa asturiana, ye autor de la primer gramática del asturiano y d’un diccionariu. Los manuscritos d’entrambes dos obres alcuéntrense anguaño na biblioteca de la Fundación Menéndez Pidal de Madrid, onde los llocalizó en 1989’l profesor Xosé Lluis García Arias. La Gramática, publicóla en 1991 l’Academia de la Llingua Asturiana, n’edición a cargu de García Arias. Junquera Huergo ye autor tamién d’un cartafueyu impresu en 1843 col títulu Los trabayos del Chinticu, reeditáu en 1996 pola Academia na so colección Cartafueyos, n’edición curiada por Álvaro Arias Cabal. Resalta nesta obra la bayura llingüística del so autor, esmolecíu por escribir nun llinguaxe arcaizante y hiperasturianizáu, col que pretendía recrear l’antigu idioma nes sos formes más xenuínes.

BIBLIOGRAFÍA

Creación

Junquera Huergo, Juan

Los trabayos de Chinticu / Juan Junquera Huergo; edición, entamu y notes d’Álvaro Arias Cabal. — Uviéu : Academia de la Llingua Asturiana, 1996. — Ed. facs. — 22 p. ; 15 cm. — (Cartafueyos de lliteratura escaecida ; 9). — Reprod. facs.

ISBN 84-8168-054-0

Ensayu

Junquera Huergo, Juan

Gramática Asturiana / Juan Junquera Huergo; edición y notes de Xosé Lluis García Arias —

Uviéu: Academia de la Llingua Asturiana, 1991. — 300 p.; (Llibrería Llingüística; 1)

ISBN 84-86936-54-3

Bibliografía

Álvaro Arias Cabal, entamu a Los trabayos de Chinticu, Uviéu, Academia de la Llingua Asturiana, 1996.