MIRANDA ARGÜELLES, Secundino

Nació en Llangréu alrodiu del añu 1886. Estudió na Escuela de Facultativos de Mines de Mieres y rexentó un comerciu de ferretería en Sama y más tarde otru en Blimea, en San Martín del Rei Aureliu. Escribió delles obres n’asturiano, ente elles dos pieces teatrales: El trancazu, escrita en collaboración con Roberto Meana, que s’estrenó en Xixón en 1944 y La Flor de La Corredoria, inédita. Ye autor tamién d’unes cuantes poesíes publicaes en cartafueyos de fiestes y fueyes volanderes. L’Academia de la Llingua publicó en 1997 una antoloxía de la so obra col títulu La del Llavaderu y otres hestories de Blimea, dientro de la so colección Cartafueyos.... Recueye composiciones dataes ente los años 1929 y 1932.

BIBLIOGRAFÍA

Creación

Miranda Argüelles, Secundino

La del Llavaderu y otres hestories de Blimea / Secundino Miranda Argüelles. — Uviéu : Academia de la Llingua, 1997. — Ed. facs. — 45 p. ; 15 cm. — (Cartafueyos de lliteratura escaecida ; 30).

ISBN 84-8168-097-4