MONTESERÍN, Xicu

(1960)

Nació Xicu Xabel Rodríguez Monteserín en Xixón nel añu 1960, anque la so familia ye de la parte occidental d’Asturies (Pezós y Grandas de Salime), onde caltién los sos raigaños. Llueu d’estudiar Derecho, exerce la profesión d’asesor fiscal. Vinculóse Xicu Monteserín dende bien mozu al movimientu asturianista, militando en diversos colectivos nacionalistes y siendo ún de los miembros fundadores de la Lliga Celta d’Asturies. Los sos primeros escritos apaecen en boletín d’esta asociación celtista, Astor, nel de l’Academia de la Llingua, Lletres asturianes, y na revista Orbayando, qu’elli mesmui codirixó. Fue tesoreru de l’asociación Escritores y Traductores en Llingua Asturiana (ETLLA).

Xicu Monteserín ye autor de dellos llibros destinaos al públicu infantil: Un ermitañu de nome Merlín (1984) y ¿Xugamos a les cosadielles? (1986), premiaos nel Concursu de Llectures pa rapazos de l’Academia la Llingua; amién del relatu Florín, el pescador de ballenes (1993). Nel añu 1994 publicó’l volume de poemes: Nuna caxa d’ágates, nel que s’albidren les más estremaes inluencies, dende’l surrealismu al más descarnáu Miguel Hernández.

BIBLIOGRAFÍA

Creación

Monteserín, Xicu

Un ermitañu de nome Merlín / Xicu Monteserín ; debuxos Isidro Suárez Carballido. — Xixón : Academia de la Llingua Asturiana, 1984. — 67 p. : il. ; 21 cm. — (Escolín ; 14).

ISBN 84-600-3677-4

Monteserín, Xicu

¿Xugamos a les cosadielles? / Xicu Monteserín. — Uviéu : Academia de la Llingua Asturiana, 1986. — 48 p. : il. col. ; 21 cm. — (Escolín ; 21)

ISBN 84-600-4212-X

Monteserín, Xicu

Florín, el pescador de ballenes / Xicu Monteserín ; illustraciones, Monchu Regal y Xuan Xosé Gómez. — Xixón : [l’autor], 1993. — 24 p. : il. col. ; 22 cm.

ISBN 84-604-7930-7

Monteserín, Xicu

Nuna caxa d’ágates / Xicu Monteserín. — Xixón : Ediciones Asturianes, 1994. — 34 p. ; 21 cm. — (Poesía XXI ; 1).

ISBN 84-605-1429-3

Ensayu

Monteserín, Xicu

Dellos xuegos infantiles asturianos / Xicu Monteserin. — Xixón : [l'autor], 1989. — 50 p. : il. ; 24 cm

ISBN 84-404-5852-5

ANTOLOXÍA

Guañando

Silencios

Etenros

Se

Van,

Callando,

Murando,

Fediendo,

Al,

Empar.

Degolen

Los

Muertos

Al

So

Pedestal.

Teo encoñada l’alma, absurdamente atarriquitada

De recuerdos, —inútiles quiciabes—, apinaos al debalu nun

Ordenáu tracamundiu de duelgos y d’amores

Compartíos.

Pero dende fai munchayá que nun soi

A atalantate. Fálesme nuna estrañosa xíriga que yo

Probe y fatu iletráu, desconozo.