NUEVO ZARRACINA, Daniel G.

(1899-1983)

Natural de Pola de Llena, estudió col padre pintura, música y dibuxo pa cursar más tarde nes escueles de Maxisteriu y Peritos d'Uviéu. Autor d'abondos trabayos pedagóxicos y d'investigación folklórica y musical, publicaos en forma d'artículos en periódicos (El Correo de Asturias, El Carbayón, La Voz de Asturias, Región) y revistes (Asturias, de La Habana, El Heraldo de Asturias, de Buenos Aires), débense-y tamién algunes escenes montañeses (vivió en Cantabria unos cuantos años) y una zarzuela (Ya se van los quintos, madre) con música de J. Guerrero.

L'Academia de la Llingua publicó en 1997 l'Antoloxía (1921-1978) onde se recueyen poemes, relatos y un entremés n'asturiano de Daniel Nuevo. Esti autor apaez tamién en la Antología del Bable, de la Gran Enciclopedia Asturiana y en El Cuentu asturianu tres la guerra, d'Antón García.

BIBLIOGRAFÍA

Creación

Nuevo Zarracina, Daniel G.

Antoloxía : (1921-1978) / Daniel G. Nuevo Zarracina. — Uviéu : Academia de la Llingua Asturiana, 1997. — 37 p. ; 21 cm. — (Cartafueyos de lliteratura escaecida ; 45)

ISBN 84-8168-125-3

I. Título. II. Serie

El cuentu asturianu tres la guerra / edición y prólogu d'Antón García. — Uviéu : Trabe, 1998. — 237 p. ; 20 cm. — (Incla Interior)

ISBN 84-8053-085-5

Bibliografía

Antón García, El Cuentu asturianu tres la guerra, Uviéu, Trave, 1998, p. 34.

"Nuevo Zarracina, Daniel G.", En: Gran Enciclopedia Asturiana, Gijón, 1970, T.X, p. 272.