PAREDES, Manuel

(Pinón del Bardial)

Según Patricio Adúriz y Milio R.Cueto, el de Manuel Paredes ye’l verdaderu nome que s’escuende embaxo l’alcuñu de Pinón del Bardial, autor d’un garapiellu de poesíes publicaes ente 1904 y 1928 en dellos periódicos asturianos. Zapateru de profesión y músicu y versificador d’afición, Paredes fue un destacáu militante socialista. Dende 1895 caltuvo una fonda amistá col poeta Pachín de Melás. Víctimes entrambos de les represalies patronales a les fuelgues obreres, coinciden en 1902 en Figareo, Mieres. Dende esi llugar escríbese con Pachín de Melás, depués qu’ésti vuelve a Xixón y dedíca–y delles poesíes. Desconozse la fecha del so nacimientu y la de la so muerte. En 1996 Xurde Blanco publica na colección Cartafueyos de l’Academia de la Llingua un llibrín tituláu Poemes nel que recueye les composiciones que se conocen d’esti autor.

BIBLIOGRAFÍA

Creación

Paredes, Manuel

Poemes / Manuel Paredes. — Uviéu : Academia de la Llingua, 1996. — Ed. facs. — 20 p. ; 15 cm. — (Cartafueyos de lliteratura escaecida ; 16)

ISBN 84-8168-070-2