PIQUERO,
José Luis
(1967)
Nació en Mieres nel añu 1967. Ye ún de
los principales nomes del panorama poéticu español de los noventa. Las ruinas (1989), El buen discípulo (1992) , Cazador
de autógrafos (1994) —Premiu Asturias Joven de Poesía en 1993— y Monstruos perfectos (1997), acredítenlu
como un autor de poesía pulcru, intelixente y dotáu d’una particular capacidá
pa describir la experiencia vivida con minuciosidá y verosimilitú. Como críticu
ye autor d’abondes reseñes y artículos nes más prestixoses revistes y
suplementos lliterarios del Estáu y de l’antoloxía Poetas de los 90 (1991). Él mesmu fue incluyíu en tres de les
antoloxíes de poesía xoven más destacaes: Selección
nacional (1995), y La generación del
99 (1999), de García Martín y 10
menos 30 (1997), de Luis Antonio de Villena.
Miembru de la tertulia uvieína Oliver, fue codirector, xunta Pelayo
Fueyo, de la revista Escrito en el agua.
Ye responsable de la sección de Cultura del semanariu Les Noticies, dende la que se tien dedicao a comentar y reseñar a
numberosos autores en llingua asturiana, con un rigor desavezáu hasta’l momentu
nes publicaciones periódiques asturianes.
José Luis Piquero ye autor de diverses versiones nel nuestru idioma de
poetes como’l británicu Stephen Spender o l’alemán Gottfried Benn (v. Antoloxía). Nelles resalta pol so
curiáu en recrear n’asturiano poemes qu’a la fin acaben resultando obres feches
col mesmu esmeru que los sos propios versos.
BIBLIOGRAFÍA
Creación
Piquero, José Luis
El buen discípulo : (1989-1991) / José
Luis Piquero. — Gijón : Ateneo Obrero, 1992. — 62 p. ; 24 cm. – (Deva ; 16)
ISBN 84-87958-06-0
Piquero, José Luis
Cazador de autógrafos / José Luis
Piquero. — Oviedo : Consejería de Cultura,
1994. — 43 p. ; 22 cm. – (Texu ; 7)
ISBN 84-7847-253-3
Piquero, José Luis
Las ruinas / José Luis Piquero. –
Mieres : Centro Cultural y Deportivo
Mierense, 1989. — 48 p. ; 21 cm. — (Versus ; 3)
ISBN 84-404-5685-9
Piquero, José Luis
Monstruos perfectos / José Luis Piquero.
—Sevilla : Renacimiento, 1997. — 81 p. ; 24 cm. — (Calle del aire ; 45).
ISBN 84–89371–22–9
Edición lliteraria
Poetas de los 90
ANTOLOXÍA
PENSAMIENTOS
NUN ATAQUE AERIU
[Stephen
Spender]
Dende llueu, l’asuntu consiste n’atechar
fuera del radiu usual de les llamaes
estadístiques. Muerre un centenar
nos suburbios. Pos bono. Yo equí toi.
Y mentes esa cosa, yo, puea llevantase
d’enriba de la cama con dosel
que tanto s’asemeya a una caxa de muertos
nel cuartu d’un hotel con un papel pintao
con volutes de roses y de fumo, ún podrá
ignorar la presión de los nomes debaxo
de los deos de chumbo nes imprentes
y esi ruíu de fondu de los partes nel
bar.
Pero supón qu’una bomba metiese les
narices
xusto na cama d’ún y con ún dientro.
La idea ye obscena ya. Hai munchos
pa los cualos la propia perda ilustraba
dafechu’l triunfu de lo impersonal. La
cuenta ye
que cadún puea quedase tumbáu ente les
roses
sin pasar deliriu pol vecín. Y aplazar
l’horror,
a tanto por cabeza, hasta que caiga
per dalgún l’aura del dolor inefable
que ye tol misteriu o nun ye nada.
(Zimbru, I)
GUAPA MOCEDÁ
[Gottfried
Benn]
La
boca d’una moza que tuviere sumerguyada nun pantanu
taba
mui roída.
Cuando–y
abrieren el pechu, l’esófagu taba tou afuracáu.
A
lo fondo, nuna placina embaxu’l diafragma
atoparen
un nial de rates moces.
Una
de les hermanines taba muerta.
Les
otres alimentábense de fégado y reñones,
bebíen
la sangre xelao y pasaren
ellí
una guapa mocedá.
Y
guapa y rápida foi tamién la muerte:
tiráronles
toes al agua.
¡Ai,
cómo glayaben los tienros fociquinos!
(Zimbru,
II)