ESTA PÁXINA TA EN CONSTRUCCIÓN

PERDÓNEN-Y LOS FALLOS

Qué ye la

BIBLIOTECA D'AUTORES ASTURIANOS

Esti llibru contién información sobre los autores lliterarios que escribieron o escriben na llingua propia d'Asturies. El nuestru enfotu ye dir incorporando, col tiempu, a esta Bibliotecaa tolos autores de los que nós tengamos noticia. Nun primer momentu van tar aquellos con dalguna publicación en forma de llibru o que tengan apaecío n'alguna antoloxía d'interés, dende Antón de Mari-Reguera, el príncipe de los poetas asturianos, hasta'l más nuevu de la última fornada d'escritores n'asturiano.

Estructura

La informanción disponse del xeitu que mos abulta más cenciellu. A cada autor correspuénde-y una entrada d'una llista ordenada alfabéticamente (manzorga de la pantalla); faciendo doble clik, empobínase al llector pal artículu referente el nome escoyíu. Los que gasten sobrenome o alcuñu puen tener más d'una entrada, anque toes elles van remitir al mesmu item; por exemplu: "Pachín de Melás" y "Robles Muñiz, Emilio" son dos entraes pa un mesmu autor.

Cada artículu individual contién:

Encabezamientu	Apellidos, nome y datación biográfica.
Semeya	Siempre que seya posible; en casu contrariu vamos poner por empara d'ella una imaxe sustitutiva, como la cubierta de dalgún llibru.
Noticia del autor	Con información detallada y personalizada sobre l'escritor, pa asitialu biográfica y lliterariamente.
Bibliografía	Esti espaciu contién la descripción bibliográfica de toles publicaciones del autor (incluyíes les qu'escribiere n'otres llingües o les traducciones d'obres suyes a otres llingües). Escoyendo un modelu de ficha cenciellu y completu al empar, siguimos el modelu bibliotecariu estandar de la ISBD (International Standard Bibliographic Description), nel primer nivel descriptivu. Les fiches de cadún de los autores dispunxímosles por orde de publicación y organizámosles nos apartaos siguientes: Creación Ensayu Traducción Edición lliteraria A ello amiestamos munches veces les referencias bibliográfiques básiques sobre l'autor: Bibliografía
Antoloxía	Nesti apartáu ufiértase una amuesa de la obra lliteraria de cada autor.