QUINTANAL PALICIO, José Manuel

(1916)

Nació en San Pedro de Naves, Uviéu en 1916. Llicenciáu en Químiques y maestru d’enseñanza primaria. Desarrolló bona parte de la so actividá profesional como químicu nes empreses Duro Felguera y UNINSA, hasta’l so retiru en 1976. Espeléologu aficionáu y autor d’abondos xacimientos prehestóricos, publicó en 1971 nel IDEA una recoyida de los sos trabayos nesi campu col títulu Nuevos lugares prehistóricos de Asturias. Ye autor d’un volume de versos en castellano tituláu Poesía (1992). En 1996 l’Academia de la Llingua publicó na so colección Cartafueyos... un llibrín que recueye la so obra n’asturiano col títulu Poemes na folgancia. La de José Manuel Quintanal ye una poesía que choca en comparanza col tipu de lliteratura qu’otros contemporanios suyos escribieron na nuestra llingua: ensin abondes pretensiones estétiques, ye l’amuesa d’un autor esmolecíu por trazar n’asturiano versos que falen de los temes universales de toa esistencia humana, anque tamién dexa sitiu a la poesía de corte más tradicional.

BIBLIOGRAFÍA

Creación

Quintanal Palicio, José Manuel

Poemes na folgancia / José Manuel Quintanal. — Uviéu : Academia de la Llingua, 1995— Ed. facs. — 50 p. ; 15 cm. — (Cartafueyos de lliteratura escaecida ; 8).

ISBN 84-8168-052-4

Ensayu

Quintanal Palicio, José Manuel

Nuevos lugares prehistóricos de Asturias : Descubiertos por los grupos de espeleología "Polifemo" y "Oviedo" / José Manuel Quintanal Palicio. — Oviedo : [s.n.], 1991. — 114 p. ; 21 cm

ISBN 84-404-8945-5