RAMOS CORRADA, Miguel

(1949)

Nació en Llerandi (Parres) el 12 d’ochobre de 1949 pero a los tres meses lleváronlu yá a vivir pa Xixón. Llicenciáu en Filoloxía Románica pola Universidá d’Uviéu en 1971, doctoróse en 1983 con una tesis sobre la obra de Pepín de Pría. Al añu siguiente nómbrenlu académicu de la Llingua.

Director del centru la UNED n’Asturies dende 1984 y profesor de la mesma, ye autor de Sociedad y literatura bable (1983), “La literatura en castellano en Asturias hasta la guerra civil”, en la Enciclopedia temática de Asturias (1985), coautor de Llingua asturiana: una propuesta curricular para la ESO (1990) asina como de numberosos artículos sobre lliteratura asturiana, la mayoría asoleyaos en Lletres asturianes y Lliteratura, de la que ye miembru del so conseyu de redacción. Fue responsable de dos ediciones lliteraries de la obra de Pepín de Pría: La fonte del cai (1984) y los dos volúmenes de les Obres completes (1992-1993).

BIBLIOGRAFÍA

Ensayu

Ramos Corrada, Miguel

Sociedad y literatura bable, 1839-1936 / Miguel Ramos Corrada. — Gijón : Silverio Cañada, 1982. — 175 p. ; 20 cm. — (Biblioteca Julio Somoza : temas de investigación asturiana ;10). — Bibliografía

ISBN 84-7286-196-1

Llingua asturiana : una propuesta curricular pa la educación secundaria obligatoria / Ramón d’Andrés... [et al.]. — Uviéu : Academia de la Llingua Asturiana, 1990. — 127 p. ; 21 cm. — (Estaya pedagóxica ; n. 5)

ISBN 84-86936-37-3

Edición lliteraria

Pría, Pepín de

Obres completes / José García Peláez (Pepín de Pría) ; edición y estudiu preliminar de Miguel Ramos Corrada. — Xixón : Llibros del Pexe, 1992- 1993 . — 2 v. ; 23 cm. — Bibliografía

ISBN 84-87259-35-9 (v. 1). ISBN 84-87259-45-6 (v. 2)

Bibliografía

“Ramos Corrada, Miguel”. En: Gran Enciclopedia Asturiana, Xixón, Silverio Cañada, 1970-1993, T. XX, p. 261.