RIBERO Y LARREA, Alonso

Yera Alonso Ribero Larrea natural de Santander. Nel añu 1792 dio a estampa’l so llibru Historia fabulosa del distinguido caballero Don Pelayo Infanzón de la Vega, Quixote de la Cantabria, una de les innumerables versiones paródiques de la obra cervantina, na qu´un de los personaxes protagonistes, l’escuderu Mateo, esprésase siempre n’asturiano. La profesora Ana Cano dedicó–y dellos trabayos a esta presencia de la nuestra llingua na obra de Ribero y Larrea: “Notes llingüístiques sol bable nel Quixote de la Cantabria: fonética” (1979) en Estudios y Trabayos del Seminariu de Llingua Asturiana y “Estudio morfosintáctico sobre el bable del “Quixote de la Cantabria””, na revista Verba en 1979. La obra del cántabru Ribero y Larrea reimprimióse n’edición facsímil en 1979.

BIBLIOGRAFÍA

Creación

Ribero y Larrea, Alonso Bernardo

Quixote de la Cantabria / Alonso Bernardo Ribero y Larrea. — Gijón : Silverio Cañada, D.L. 1979. — 2 v. ; 17 cm. — (Colección facsimilar asturiana). — Reimp. de la ed. de: Madrid : Imp. de la Viuda de Ibarra, 1792

ISBN 84-7286-054-X