(Pachín de Melás)
(1877-1938)
Nacíu en Xixón el 6 d’ochobre de 1877, nuna familia numberosa y de pocos posibles, nun pudo Emilio Robles Muñiz estudiar más que lo xusto, anantes de metese a trabayar d’obreru mecánicu. De toles maneres, garró-y ensiguida’l gustu a la llectura y pudo dir completando, de mou autodidacta, la so formación, llogrando al pocu la especialidá de torneru nes clases nocturnes de la Escuela Industrial xixonesa.
Militante socialista, entama la xera lliteraria escribiendo unos encesos
artículos contra la esplotación del obreru n'El Comecio
y los periódicos obreristes La Defensa del Obrero y La
Organización. A resultes d’ello vese obligáu a marchar
una temporadina pa un taller de Llangréu. Dende aquella, yá
casáu y coles esmoliciones propies del padre mantenedor de familia,
Pachín de Melás va dexar a un llau el rixu reivindicativu
y dedicase más que nada a les aficiones musicales, teatrales y lliteraries.
En 1904 gana’l segundu premiu d’un Certame Científicu-Lliterariu
(el primeru ganólu Pepín de Pría) col romance “La
güelina”. D’ellí p’alantre participa en más concursos,
escribe y estrena sainetes y zarzueles y sigue collaborando nos periódicos.
En 1909 publica el volume de relatos Les veyures de Pinón.
Anque ta bastante delicáu de salú, pasu ente pasu va faciéndose
Pachín de Melás un activu entamador d’iniciatives asturianistes,
talo que los ambiciosos proyectos editoriales de la Biblioteca Popular
d’Escritores Asturianos (1918) y la colección “La novela asturiana”.
A elles hai que sumar l’homenaxe a Pepín de Pría de 1926,
esaltaciones xovellanistes y, cola República, la demanda d’un estatutu
d’autonomía p’Asturies.
Un fechu emotivu na biografía de Pachín de Melás relátalu
Patricio Aduriz y pasó cuando la guerra, de la que diben a prende-y
fueu a la Ilesia de San Pedru de Xixón, onde se guardaben los restos
de Xovellanos. El propiu autor, con 59 años y gastando mui mala
salú, fue'l que, ayudáu por municipales, fue a poner a salvu
lo que quedaba del prócer ilustráu. Al poco, presu de los
nacionales, Emilio Robles Muñiz morría na cárcel del
Coto de Xixón.
Creación
Robles Muñiz, Emilio (Pachín de Melás)
Les
veyures de Pinón : colección de cuentos y "coses" en bable
/ [Pachín de Melas]. -- [Xixón] : [s.n.], 1909
58
p. ; 19 cm
Robles
Muñiz, Emilio (Pachín de Melás)
Veyures : diálogo en bable asturiano...
/ Emilio Robles Muñiz (Pachín de Melas). -- [Xixón]
: [s.n.], 1909
17 p. : il. ; 19 cm
Estrenáu nel Teatru Dindurra de Xixón el 29 de payares de 1908
Robles
Muñiz, Emilio (Pachín de Melás)
Secadiella
: cuento asturiano original de Don Justo Vigil... / adaptado a la escena
por Pachín de Melas. -- [Gijón] : [s.n.], 1915
19
p. ; 19 cm