SUÁREZ, Mariano

(1962)

 

Naz en Xixón nel añu 1962. Ye maestru d’asturiano y perteneció al secretariáu del sindicatu SUATEA, onde fue responsable de la estaya de llingua asturiana. Ye autor de dos magníficos llibros infantiles: Olaya y el secretu (1986) y Olaya y la pega llinguatera (1992), que tien espublizaos na colección Escolín.  Collaboró con dellos relatos y poemes na revista Lletres Asturianes y na antoloxía de poesía amorosa La patria de la piel (1993) (v. Antoloxía).

 

 

 

 

BIBLIOGRAFÍA

 

Creación

 

Suárez, Mariano

Olaya y el secretu / Mariano Suárez. — Uviéu : Academia de la Llingua Asturiana, 1986. — 33 p. : il. col. ; 21 cm. — (Escolín ; 25).

ISBN 84-600-4479-3

 

Suárez, Mariano

Olaya y “La Pega Llinguatera” / Mariano Suárez ; dibuxos, Xulia Magdalena y Mariano Suárez. — Uviéu : Academia de la Llingua Asturiana, 1992. — 68 p. : il. col. ; 21 cm. — (Escolín ; 47).

ISBN 84-86936-80-2

 

La patria de la piel : Muestra de poesía amorosa / Xulio Vixil, Helena Trejo, Mariano Suárez... (et al.). — Avilés : Asociación d’Escritores Asturianos, 1993. — 56 p. ; 17 cm. — (Toles voces)

ISBN 84-604-6686-8

 

 

 

ANTOLOXÍA

 

 

Nuechi mauritana

 

Colos llabios encesos

bébo‑y al aire

tolos vafos d’arume que pasen,

dende los coxinos floríos

de los pavos reales.

Y zampúxome nes risines

con pezones de rubí

y embeligru d’esmeralda

que, llambiones,

desfáense

ente flautes y tamboriles.

Una cobra sensual

esguila

pela cimatarra d’un suañu.

La llingua, bífida, claro,

acarambela’l tueru

la palmera

y, ¡ai!, aquelles manes morenes

que m’ufierten

el llicor de cactus

pa

siguir...

 

                                  (De La Patria de la piel)